Vatnsþjálfun á meðgöngu

Vatnsþjálfun fyrir konur á meðgöngu

Young pregnant woman in green bikini swimming in pool. Underwater shot.jpg

Kostir þess að stunda hreyfingu í vatni á meðgöngu eru margir. Þyngdarleysið auðveldar konum almennt að hreyfa sig og þá sérstaklega þeim sem glíma við stoðkerfisverki. Í vatninu erum við léttari og álag á stoðkerfið því minna. Þjálfun í vatni hefur að auki jákvæð áhrif á sogæðakerfið og er bjúgminnkandi.

 

Á meðgöngu er mikilvægt að styrkja líkamann því tíminn eftir meðgöngu getur einnig reynt mikið á. Brjóstagjöf/pelagjöf, halda á barni, bera bílstól og fleira. Því leggjum við áherslu á almenna styrkingu auk sérhæfðra æfinga fyrir grindarbotn, hrygg og mjaðmagrind. Mótstaða vatnsins nýtist vel til styrktar- og þolþjálfunar og auðvelt er að aðlaga þyngd æfinga að hverjum og einum.

Helstu áherslur

  • Styrktar- og stöðugleikaþjálfun fyrir mjóhrygg og mjaðmagrind

  • Grindarbotnsþjálfun

  • Mikil fræðsla í hverjum tíma

  • Almenn styrktar- og þolþjálfun

  • Mjúkar, liðkandi æfingar og slökun í lok hvers tíma.

 

Kennsla fer fram í Mörkinni, Suðurlandsbraut 58-62

Þriðjudaga og fimmtudaga kl. 12:15-13:00

Verð fyrir 4 vikur 17.900.-

Verð fyrir viðbótarviku (í lok meðgöngu) 5.000.-

 

 

 

 

 

Greiðsluskilmálar: Greiðsla staðfestir skráningu. Hægt er að kaupa 4 vikur í senn. Þær sem hafa verið hjá okkur get keypt viðbótarviku þegar það er minna en 4 vikur í fæðingu.  Ekki er boðið upp á endurgreiðslu þátttökugjalds.