599 1600
Meðgöngusund Stíganda
Vatnsþjálfun fyrir konur á meðgöngu
Það eru margir kostir við að hreyfa sig í vatni á meðgöngu. Þyngdarleysi vatnsins gerir fólki almennt auðveldara fyrir að hreyfa sig og hentar því sérstaklega vel öllum sem glíma við stoðkerfisverki. Álagið á stoðkerfið allt verður minna. Mótstaða vatnsins hentar einnig vel til styrktar- og þolæfinga og auðvelt er að aðlaga álagið að hverjum og einum. Þar að auki hefur þjálfun í vatni jákvæð áhrif á sogæðakerfið og er bjúgminnkandi.
Á meðgöngu er mikilvægt að halda líkamanum við og styrkja hann. Það getur flýtt bataferlinu eftir barnsburð og auðveldað athafnir sem fylgja nýjum breyttum aðstæðum svo sem brjósta-/pelagjöf, halda á barni, bera bílstól og fleira.
Helstu áherslur
Styrktar- og stöðugleikaþjálfun fyrir mjóhrygg og mjaðmagrind
Grindarbotnsþjálfun
Fræðsla um ástand líkamans á meðgöngu og eftir auk ráðlegginga um líkamsbeitingu og fleira
Almenn styrktar- og þolþjálfun
Mjúkar, liðkandi æfingar
Slökun eða teygjur í lok hvers tíma.
Kennsla fer fram í Mörkinni, Suðurlandsbraut 58-62
Mánudaga og miðvikudaga
Hópur A kl. 13.00-13.45
Hópur B kl. 13:45-14:30
Verð fyrir 4 vikur 18.900.-
Verð fyrir viðbótarviku (í lok meðgöngu) 5.200.-
Ath. Þátttakendur á námskeiðum hafa forgang á ný námskeið og býðst forskráning tveimur vikum fyrir upphaf næsta námskeiðs.
Greiðsluskilmálar: Greiðsla staðfestir skráningu. Hægt er að kaupa 4 vikur í senn. Þær sem hafa verið hjá okkur get keypt viðbótarviku þegar það er minna en 4 vikur í fæðingu. Ekki er boðið upp á endurgreiðslu þátttökugjalds.
Inngangur í Mörkina
.png)